مرى و قوية

متبكيش..

متبكيش, حط راسك في سما  

صحيح إنت مرى, ضلع معوج ميتسواش و قلب حنين ميدواش 

أما إنت إنسان, قلبك شمع ينجم يتصلح و ضلعك معوج اما قوي

متحشمش..

متحشمش, من صدرك كي يبان 

و كي تبحلق فيه العنين عفس عليهم و متتعثرش

بدنك زينتك مش لعنة متتغفرش..

متندمش..

متندمش على أغلاطك و تصدق إلي هي متتصلحش و متتفسخش..

متندمش على حبك و تقول لقلبك الحب خطييّة يعطك دنية..

الغلطة تعلم و الغلطة إلي متعلمش هي إلي متتغفرش ..

متخافش..

متخافش من ذراع قوي يخدم كان كي المخ  يضعف..

و ميقدر عليك كان كي مخك يضعف..

متخافش, أرفض وصايتهم و إصنع أمنك بيديك

متضعفش..

متضعفش, في كرامتك متسلمش و بضوافرك دافع على أفكارك..

 و بعقلك حامي على روحك و داوي جروحك ..

مكش ضعيفة أما حكمهم عليك يضعفك و يكسرك 

تتحرر