يقولوا "من نسل الشيطان"

سبني..سبني..

أصنع بلاد خالية من العباد

و شوف شكون غيري قي غربتك يواسيك..

حاول من ضلعك تولدني

حاول من وحدتك توجدني..

سبني..سبني

أهرب مني و حاول تلقى غير عنواني بلاد

و في غير بلادي عباد..

سبني..

و حاول كيفاش منغيري تصنع حياة

حياة أحلى من الحياة إلي بين ساقي تتدفن و من بينهم تتولد..

سبني.. سبني..

قول ناقصة عقل

و كيف تلقى عقلك أنقص من عقلي

بجاه الرب ما تستغربش و ما تستنكرش..

عقلي إلي بناك و رباك..

سبني.. سبني..

و تفكر دمعة أختك عليك و رأفة أمك كيف طيح بيك 

و حب مرتك كيف تقصى الدنيا عليك..

خلي منحكيش كان جيت بنتك

نحبك و نبكي عليك و رأفتي تغطيك

سبني ميسالش سبني..

شبع جوعك و طفي جمرتك إلي ما تفنى 

و قلي "زانية" و زيد سبني..

و أقعد إنت ملايكة و أنا الشيطان إلي ترجمني..

سبني.. إي سبني..

سميني عورة.. إعتبرني بذرة فازدة 

و كيف نتغشش زيد سبني..

ذكرني بالقوامة و إتهمني بنقص الرباية..

و هذبني بالضرب.. متخافش متتلامش..

ضربي في شرعك حلال مرغوب و محبوب..

سبني أما  تفكر وقتها شكون إلي آويك و مربيك و حاميك 

التسجيل الصوتي عبر هذا الرابط: https://soundcloud.com/rimanimatrice-1/gsmzx2p54m38