6:42 ص
ريم الحياة
نحبوا صاحب قضية..
شيوعي و غير الكبوط لخضر ماعندوا..
في الشتى يلبسوا و في الصيف يبدلوا بسورية مش غالية,
:و كيف نسألوا علاش يقلي
حق السورية الجديد فمى إلي يستحقوا أكثر مني
محلاه كيف نقلو وقتاش باش نراك
و يقلي في مسيرة 5 متاع لعشية
نتلقاو في الثنية..
و نجريو هاربين من الغاز و يدُو في يدي
ميفقرناش الخوف و الإرهاب..
محلاه كيف يقلي ثور و تغشش
حارب و قاوم و غير وجه القوة ما توريهم
و كيف تضعف رغم ضعفي نقويك و نحميك..
نحبوا ثوري و صاحب قضية
حيلو مهدود في الإعتصامات و صوتو مبحوح من الشعارات
و بدنو ازرق من ضرب المطراك
و رغم دمعة العين و وجيعة لبدن
يتبسم و يقلي:
على خاتر أولادنا و بلادنا يهون لعمر و يحلى لكفن
محلاه كيف يحكيلي على مستقبل لبلاد
و يقلي لا بديل للعنف الثوري
و تففففففوه على ثوار يلوجوا على حرية ميفديوهاش بالدم
محلاه كيف ياقف قدام البوليس
و يصيح في وجوه القوى الرجعية
و كيف يخاف ميهربش و ميرعشش
و يقدم و ميظهرش..
نحبو ثوري و صاحب قضية و يؤمن أنو الحرية مهيش هدية
المشاركات
0 التعليقات:
إرسال تعليق